Armeria Eskolako Skills lehiaketa, Instalazio Elektrikoak eta Automatikoak heziketa zikloan.
Instalazio Elektrikoak eta Automatikoak zikloko ikasleak, hirunakako zazpi taldetan banatuta, Armeria Eskola Skills lehiaketako lehen edizioan parte hartuko dute.
Saioak astebeteko iraupena izango du eta 2018. urtean egin zen Eusko Skills probaren egitura bera izango du. Taldeek bi erronka nagusi gainditu beharko dituzte: lehena, automatismo bat muntatzea eta bigarrena, etxebizitza barneko instalazio elektrikoa egitea. Hau da egutegia:
- Astelehena: Automatismo elektrikoa egin aurreko entrenamendua
- Asteartea: Lehiaketako lehen erronka: automatismo elektrikoa muntatzea. Emandako plano eta eskema elektrikoak jarraituz, zazpi taldeek automatismo elektrikoa mekanizatu, muntatu eta konektatu beharko dute
- Asteazkena: Egindako automatismoak egiaztatzea eta etxebizitza barneko instalazio elektrikoaren entrenamendua.
- Osteguna: Lehiaketako bigarren erronka: etxebizitza barneko instalazio elektrikoa egitea. Irakasleek emandako material eta eskema elektrikoak jarraituz, ikasleek etxebizitza bateko instalazio elektrikoa egin beharko dute.
- Ostirala: Erronken azken egiaztatzeak, sari banaketa eta azken hausnarketak.
Pasa den astelehenean hasi zen lehiaketa eta Joseba Altuna irakasleak dioenaren arabera, ikasleak gogotsu ekin diote erronkei eta aurretik ikasitako guztia erakusteko irrikan daude.
