Lan poltsa

Lan-poltsa enpresei eta Armeria Eskolako ikasleei eskaintzen zaien zerbitzua da. Zerbitzuaren helburua ikasleen laneratzea erraztea eta enpresen langile beharrak asetzea da. Horretarako, jasotzen ditugun lan-eskaintzak ikasle ohien eta irakasleen artean zabaltzen ditugu astean behin.

Zerbitzua erabili ahal izateko, web aplikazio bat  jartzen dugu zure eskura, enpresa izanez gero lan-eskaintzak kudeatzeko, eta ikasle ohia izanez gero, curriculum vitae-a igotzeko. Zerbitzu honen bidez Armeria Eskolak bitartekari-lana egiten du ikasle ohiaren eta enpresaren artean.

Nori zuzendua: Ikasle, ikasle-ohi eta enpresak

Arduraduna: Eider Vicente

Kolaboratzaileak: Armeria Eskola Elkartea

UrratsBat

Urratsbat Armeria Eskolako zikloetako eta ikastaroetako ikasleei nahiz ikasle ohiei zuzendutako zerbitzu bat da. Programan partehartzen duten sustatatzaileek Armeria Eskolako aholkularitza izateaz gain, bertako baliabideak ere eskura dituzte, hala nola, bulegoa, tallerrak, ekipoak eta beharrezko instalazioak.

Armeria Eskolak enpresa proiektuen dinamizazioaz eta tutorizazioaz arduratzen den pertsona bat eskaintzen du, promotoreari, bere enpresaren sorrera prozesuan aholkularitza eskainiko diona eta bere ondoan laguntzaile gisa arituko dena.

Nori zuzendua: Ikasle eta ikasle-ohiak

Arduraduna: Iñaki Etxeberria

Kolaboratzaileak: Tknika

Lanbide konpetentzien ebaluazio eta egiaztapena

Lanbide-konpetentziak ebaluatu eta egiaztatzeko prozeduratzat ulertzen da lan-esperientziaren edo prestakuntza-bide ez-formalen bitartez eskuratutako konpetentziak ebaluatu eta zuzentzera bideratutako jardunen multzoa. Uztailaren 17ko 1224/2009 Errege Dekretuan (BOE, 2009ko abuztuaren 25a) eta azaroaren 10eko 211/2015 Dekretuan (EHAA, 2015eko azaroaren 18a) dago araututa.

Prozeduraren helburuak hauek dira:

  • Langileen kualifikazio- eta egiaztapen-maila hobetzea. Horrela, pertsonen, gizartearen, enpresen eta sektoreen kualifikazio-beharrizanei erantzuteko.
  • Aukera-berdintasuna bultzatzea trebakuntzaren bidez eta kualifikazioak aitortuz.
  • Pertsonei beren ikaskuntza ez-formal eta informalak baliatzeko aukera ematea, haien aurrerabide profesionala suspertzeko.
  • Pertsonak motibatzea bizialdi osoko ikaskuntzarako eta lanbide-kualifikazioa areagotzeko.

Nori zuzendua: Langileak

Arduraduna: Lander San Martin

Kolaboratzaileak: Ivac-eei

TKgune

Tkgune zerbitzuaren helburu nagusia Lanbide Heziketako ikastetxeen eta enpresen artean noranzko biko jakintza-transferentzia ahalbidetzea da. Zubilan honekin bi dira lortu nahi diren emaitzak:

  • Proiektuak enpresekin lankidetzan garatzea, haien berrikuntza-beharrei erantzuteko eta lehiakortasuna hobetzeko, horretarako ikastetxeek dituzten baliabideak erabilita (instalazioak, ekipamenduak, pertsonak, jakintza metatua…). Horrela, ikastetxeek metatutako jakintza enpresek beren eskueran izatea.
  • Proiektuak garatzean eskuratutako jakintzak didaktifikatzea eta irakaskuntzara transferitzea. Horrela, enpresen errealitatea Lanbide Heziketako ikastetxeetara hurbilduz.

Armeria Eskolak eskaintzen dituen zerbitzuak honako arlo hauek biltzen dituzte:

  • Mikromekanika eta Fabrikazio aurreratua.
  • Sistema automatikoak, robotika eta ikusmen artifiziala
  • Diseinua eta 3D inprimaketa.
  • 3D eskaneatzea eta Alderantzizko Ingeniaritza
  • Metrologia.

Ikusi gure katalogoa

Informazio gehiagorako: Tkgune

Nori zuzendua: Enpresa txiki eta ertainak

Arduraduna: Manu Lopez

Kolaboratzaileak: TKnika

Eskuadra Zaharra museorako bisita

“Eskuadra Zaharra” museoak Armeria Eskolaren iragana batzen du, bere bizitzako lehen ehun urteetan gertatutako mugarri nagusien ibilbide kronologikoan zehar. Gure Museoaren izena Eibarko “Eskuadra Zaharra” koadrilatik dator. Koadrila horrek garai hartan ministro zen Fermin Calbeton jaunari laguntza eskatu zion Eibarren Eskola bat eta Armen Museoa eraikitzeko.

Museoa 2013ko urtarrilaren 23an inauguratu zuten Iñigo Urkullu lehendakariak eta Alfonso Echeverria eskolako “historiko” batek, eskolaren mendeurrena ixteko ekitaldian.

Berrogei metro koadro inguruko gela da, eta bertako hormek argazkien eta aipamenen bidez gure Eskolaren historiaren laburpena jasotzen dute, 1912tik 2012ra. Era berean, urte hauetan zehar Eskolako ikasleek egindako hainbat lan eta Eskolari emandako errekonozimendu nagusiak azaltzen dira, horien artean, 1951n Espainiako Hezkuntza Ministerioak emandako Alfontso X.a Jakituna Ordenaren Gorbata eta 1987an Aldundiak emandako Gipuzkoako Urrezko Domina, mendeurrenaren ospakizunean jasotako beste batzuekin batera.

Era berean, bitxikeriak ikusteko aukera eskaintzen da, hala nola Fermin Calbeton jaunak 1913an gure eraikineko lehen harria jartzeko erabilitako paleta eta Julian Echeverria Orbeak, hogeita bost urtez Eskolako zuzendaria izandakoak, erabilitako altzari eta objektu batzuk.

Museoa zabalik dago, eta bisitatzeko hitzordua erreserbatu daiteke 943 20 32 44 telefonoan.

Nori zuzendua: Interesa duen edozein pertsona edo erakunde

Arduraduna: Iñaki Ciaran

Informazio eta Orientazioa

Orientazio pertsonal, akademiko eta profesionaleko zerbitzua da, bai ikastetxeko ikasleentzat, bai zentrotik kanpoko eskatzaileentzat. Helburu hauek ditu:

  • Irakaskuntza eskaintzak eta ezarritako betekizun akademikoak eskuratzeko bideei buruzko informazioa ematea, beti ere, informazioa eskatzen duten pertsonen baldintzak, beharrak eta interesak kontuan hartuta.
  • Ikasteko aukerei eta prestakuntza-ibilbideei buruzko informazioa eta orientazioa ematea, honela, laneratzea eta enpleguaren hobekuntza erraztuz.
  • Lan-munduan eskatzen diren lanbide-gaitasunak eta kualifikazioak eskuratzeko, ebaluatzeko eta egiaztatzeko aukerei buruzko informazioa ematea.

Nori zuzendua: Ikasle, ikasle-ohi eta enpresak

Arduraduna: Belen Guinea Gonzalez de Artaza

Kolaboratzaileak: Armeria Eskola Elkartea

Ikaskuntza bitartekaritza zerbitzua.

Herritarrei bizitza osoko prestakuntza formalaren, ez-formalaren eta informalaren arloko aholkularitza, bitartekaritza eta informazioa emateko zerbitzua. Eginkizun nagusiak hauek dituena:

  • Doako eta banakako aholkularitzaren bidez, pertsona bakoitzaren prestakuntza-beharrak zehaztea.
  • Eskualdean dauden prestakuntza-ekintzei buruz informatzea.
  • Atzerriko titulazioak homologatzen laguntzea.
  • Lanbide-gaitasunak ebaluatzeko eta egiaztatzeko prozedurari buruz informatzea.
  • Hainbat gairi buruzko talde-tailerrak sortzea.

Nori zuzendua: Debabarreneko herritarrak eta eskualdeko zentroetan trebatzeko interesa duten pertsonak.

Arduraduna: Araceli Guerrero Conde

Kolaboratzaileak: Daiteke eta Eusko Jaurlaritzako Hezkuntza Saila.

Lanbideren zentro laguntzailea

Lan-orientazioko zerbitzua, honako ekintza hauek eskaintzen dituena:

  • Lanbideko eskaintza eguneratzea.
  • “Darde”-a berritzea.
  • Aholkularitza indibidualizatua eta laguntza enplegu-bilaketa aktiboan (lan-helburuaren definizioa, curriculum vitaea idaztea, lana bilatzeko bideak, hautaketa-prozesuei aurre egitea, lan elkarrizketak, etab.).
  • Talde-tailerrak.

Nori zuzendua: langabetuak edo enplegua hobetzen ari direnak.

Arduraduna: Saray Martínez Escudero

Kolaboratzaileak: Daiteke eta Lanbide

Txandakako LH Duala

Txandakako LH Dualak estutu egiten ditu irakasle, ikastetxe eta enpresen arteko harremanak, kualifikazio handiko profesional berriak, egungo lan mundurako prestatuak, hezte aldera.

Ikaslearentzako onurak:

  •  Ikasleek benetako lan-egoeretan ikasi eta lan-esperientzia handia lortzen dute.
  • Egindako lanaldiarekiko proportzionala den ordainsaria jasotzen dute, kontratuaren edo hitzarmenaren arabera, eta Gizarte Segurantzan kotizatuz hasten dute beren lan-bizitza.
  • Enplegagarritasuna hobetzen du.

Enpresarentzako onurak:

  • Langile kualifikatuak, Euskal Herriko enpresen ekoizpen sarearen premietara egokitutakoak eta enpresetako prozesuetan eta kulturan ikasitakoak prestatzen ditu.
  • Enpresak ikasleak ezagutzeko eta hezitzeko aukera du.
  • Esperientzia honek enpresako belaunaldi-erreleboa errazten du.

Informazio gehiago Hezkuntzako web orrian aurkituko duzu.

Zure enpresan Duala egiteko ikasleren bat nahiko bazenu, bete formularioa

Nori zuzendua: Inguruko enpresei eta Armeria Eskolako ikasleei

Arduraduna: Joseba Zuazo Urionaguena

Kolaboratzaileak: Inguruko enpresak

Nazioartekotzea

Armeria Eskolak bikaintasuneko lanbide-heziketako proiektu integrala eskaintzen du, gizarte globalaren egungo beharrei erantzuten diena. Internazionalizazioa funtsezkotzat hartzen du. ERASMUS+ Programan parte hartzeak ikasleen konpetentziak eta lan munduratzea hobetzea eta handitzea du helburu.

Ikasketa Moduluak

Jarduera hauek bi astetik hiru hilabetera bitarteko mugikortasuna eskaintzen dute eta ikasleek ikaskuntza teorikoa eta praktikoa jasotzen dute lanbide heziketako zentro edo/eta enpresa batean. Ikaskuntzaren emaitzak eskolan aitortzen eta baliozkotzen dira, eta ikastaroaren edukiak moldatzen dira, atzerriko mugikortasun-aldia LHko ikaslea matrikulatuta dagoen ikasturtean ondo egokitzen dela ziurtatzeko.

Atzerriko esperientzietan parte hartzeak beste gaitasun batzuk ere eskaintzen dizkio ikasleari. Bere buruarengan konfiantza handiagoa lortzen du, eta testuinguru berri eta ezezagun bateko egoerei aurre egiten ikasten du. Bere esparruko hezkuntza-mota bera jasotzen duten gazteak ezagutuko ditu, eta beste herrialde batzuetan gauzak antzera edo desberdin nola egiten diren ikasiko du.

Laguntzaileak: Erasmus+ Programa, SEPIE, Eusko Jaurlaritza, Cruz Irasuegui Fundazioa, Eibarko Udala, La Caixa Fundazioa, SD Eibar Fundazioa.

Arduraduna: Alina Ivan.

Partehartzaileak: Erdi-maila eta goi-maila ikasleak.

Urtea: Urtero.

Beka bat eskatu

Beken inguruko informazioa eskuratzeko, bete formularioa eta zurekin harremanetan jarriko gara. Formularioa bidalita datuen babesa eta erabilpen baldintzak onartzen dira.

    Lantokiko prestakuntza

    Lan munduan sartzeko aukerak indartzeko asmoz, lanbide heziketako ikasleek 12 hilabete arteko mugikortasun aldietan parte har dezakete. Mugikortasun-jarduera bakoitza ikasleak bidaltzen eta hartzen dituzten erakundeek aldez aurretik adostutako kalitate-esparru batean egokitzen da, jarduerarako kalitate-maila handia ziurtatzeko, “Ikaste-akordioa” barne.

    Atzerriko esperientzietan parte hartzeak beste gaitasun batzuk ere eskaintzen dizkio ikasleari. Bere buruarengan konfiantza handiagoa lortzen du, eta testuinguru berri eta ezezagun bateko egoerei aurre egiten ikasten du. Bere esparruko hezkuntza-mota bera jasotzen duten gazteak ezagutuko ditu, eta beste herrialde batzuetan gauzak antzera eta desberdin nola egiten diren ikasiko du.

    Laguntzaileak: Erasmus+ Programa, SEPIE, Ikaslan Gipuzkoa, Eusko Jaurlaritza.

    Arduraduna: Alina Ivan.

    Partehartzaileak: Erdi-maila eta goi-maila ikasleak.

    Urtea: Urtero.

    Beka bat eskatu

    Beken inguruko informazioa eskuratzeko, bete formularioa eta zurekin harremanetan jarriko gara. Formularioa bidalita datuen babesa eta erabilpen baldintzak onartzen dira.

      Irasuegi egonaldiak

      IRASUEGUI bekek diruz laguntzen diote enpresari langileei atzerrian egonaldia errazteko. Proiektu honen bidez, ikasleen/langileen jarrera eta hizkuntza gaitasunak bultzatu nahi dira, atzerriko egonaldien bidez; ikasleen lanbide egokitzapena lerrokatu nahi da edota enpresei nazioarteko ikuspegia duten lanpostuak betetzen lagundu nahi zaie.

      Ez dago muga geografikorik, eta bekak helmugaren arabera egokitzen dira.

      Laguntzaileak: Cruz Irasuegui Fundazioa, Eibarko Udala, La Caixa Fundazioa, SD Eibar Fundazioa.

      Arduraduna: Ainara Arrate.

      Partehartzaileak: AEE-ko enpresa bazkideak eta Armeria Eskola-ko ikasle ohiak.

      Urtea: 2018, 2019, 2020.

      Beka bat eskatu

      Beken inguruko informazioa eskuratzeko, bete formularioa eta zurekin harremanetan jarriko gara. Formularioa bidalita datuen babesa eta erabilpen baldintzak onartzen dira.

        Elkarlan proiektuak

        EMEU4C LOGO.png

        EMEU4 CROSSOVERS

        Helburua: EMEU4CROSSOVERS proiektuaren helburua da langileak, ikasleak eta industria sentsibilizatzea hezkuntzaren eta industriaren arteko lankidetza gurutzatuaren beharraz eta onurez.

        Deskribapena: Ekonomia eta gizartea azkar ari dira aldatzen, eta hezkuntzaren eta industriaren arteko lankidetza eraldatu egin behar da. Proiektu honetan, bazkideak elkarlanean arituko dira esperientzia gurutzatu teoriko eta praktikoak sortu, probatu eta eskaintzeko. Horretarako, hainbat ziklo ezberdinetako ikasleek beren arlotik baino haratagoko irtenbideak topatzen ahaleginduko dira pentsaera malgua garatu ahal izateko.

        Jarduera birtualak eta ikasketa moduluak garatu eta entseatuko dira, ikasleak sentsibilizatzeko. Ekimenak agerian utziko du lanbide taldeen arteko elkarlanaren balioa. Kooperazio horren bidez proiektuaren helburuak garatuko dira eta beren ikasketa planetan modulu gurutzatuak aplikatko dira (adib. IKT eta Osasun Arreta, hiriko paisaia eta automatizazioa).

        *Content and language integrated learning

        Laguntzaileak: Erasmus+ Programa.

        Arduraduna: Alina Ivan, Unai Abaunza eta Joseba Altuna

        Partehartzaileak: Ikasleak eta irakasleak

        Urtea: 2022-2025.

        virtrain2

        VIRTRAIN (Virtual Training)

        Helburua: Errealitate birtuala baliatuz, Lanbide Heziketan atzerriko hizkuntzak irakasteko gaitasunak
        garatzea du helburu VIRTRAIN egitasmoak.

        Deskribapena: 2 urteko proiektu honetan, LH-tan atzerriko hizkuntzak irakasten dituzten profesionalentzat errealitate birtuala (EB) erabiltzeko hainbat lan garatuko ditugu: EB-ri buruzko hasierako metodologia, irakasleentzat EB-eko unitate didaktikoen/ erronken datu-basea, trebetasun profesionalak atzerriko hizkuntzan EB-ren bidez, EB plataforma eleanitza.

        KA2 proiektu honetako bazkideak eta rolak: Txekiar Errepublikako Goi-Mailako Hezkuntza eta LH ordezkatzen duen CASPHE elkartea (koordinatzailea) eta hizkuntzen irakaskuntzan aditua den MTI zentroa, Italiako Trento eskualdeko hezkuntza-politika ebaluatzeko saila eta Armeria Eskola, ikasleekin lan egiten duena eta proiektuaren emaitzak zuzenean probatuko dituena.

        Laguntzaileak: Erasmus+ Programa, Tknika.

        Arduraduna: Alina Ivan.

        Partehartzaileak: Erdi-maila eta goi-mailako ikasleak.

        Urtea: 2020-2022.

        boost-for-clil-in-vet

        Boost for CLIL in VET

        Helburua: Lanbide Heziketako ikasleen aukerak zabaltzea, curriculumetan CLIL metodologia (Atzerriko Hizkuntzen eta Edukien Ikasketa Integratua) gehitzea.

        Deskribapena: Proiektua eleaniztasunean lan egiten duten ikastetxeei zuzenduta dago eta Euskadiko LH-ko sailburuordetzak parte hartzen du egitasmo honetan.

        Armeria Eskolako bi irakaslek MOOC ikastaro bat egin dute metodologian sakontzeko eta ikasleekin lantzeko material didaktikoa garatu dute.

        *Content and language integrated learning

        Laguntzaileak: Erasmus+ Programa, Eusko Jaurlaritza.

        Arduraduna: Joseba Altuna eta Alina Ivan.

        Partehartzaileak: Erdi-mailako ikasleak.

        Urtea: 2018-2021.

        Nazioarteko sareak

        emeu1

        EMEU

        Programa honek gero eta globalagoa den lan-merkatuan nazioarteko esperientzia hartzeko aukera eskaintzen die ikasle eta irakasleei. Mugikortasun birtualak (LHko ikastetxeen arteko lankidetza Internet bidez) zein errealak (2-3 asteko ikaskuntza-moduluak Emeu sareko zentro batean) jasotzen ditu.
        Informazio gehiago

        Laguntzaileak: Erasmus+ Programa.

        Arduraduna: Alina Ivan.

        Partehartzaileak: Erdi-maila eta goi-mailako ikasle eta irakasleak.

        Urtea: 2019tik aurrera.

        innotecs1

        InnoTecs

        INNOTECS eskola teknikoen nazioarteko sarea da. Batez ere Europan oinarritzen da baina lotura profesionala du Estatu Batuetako eskola teknikoekin ere. Armeria Eskola sare honetako bazkidea da 2020. urteaz geroztik eta beste kideekin batera Europako lan-merkatuaren etorkizuneko erronkei aurre egiten dihardu.

        Laguntzaileak: Erasmus+ Programa.

        Arduraduna: Alina Ivan.

        Partehartzaileak: Erdi-maila eta goi-mailako ikasle eta irakasleak.

        Urtea: 2020tik aurrera.

        Nazioarteko
        Esperientziak

        Atal honek gure ikasleen, langileen eta orokorrean ikastetxearen nazioarteko esperientziak jasotzen ditu: erronka birtualak, Erasmus eta Irasuegi bizipenak, proiektu aurkezpenak, topaketak eta abar.