Langile eta langabetuentzako ikastaroak 2024_2025

Lanean ari direnentzat 19 ikastaro eskaintzen dira, arlo hauetan banatuak:

• Automatizazioa eta Robotika
• Mekatronika
• Diseinua eta Fabrikazio Mekanikoa
• Metrologia
• Elektrizitatea eta Elektronika

Nahiz eta lanean ari direnei zuzendutako ikastaroak izan, langabezian dauden pertsonentzat ere plaza batzuk egoten dira.

Bestalde, langabezian dauden pertsonei zuzendutako hiru ikastaro ere eskaintzen dira; bi Fabrikazio Mekanikoko arlokoak (1. eta 2. mailakoak)  eta elektrizitate arloko 2. mailako ziurtagiri profesionala. Azkeneko hau partzialki eskainiko da (Modulu Formatiboak binaka eskainiko ditugu).

Ikastaro guztiak dohainik izango dira LANBIDEk diruz lagunduak direlako.

Salbuespenak salbuespen, langileentzako ikastaroak, astelehenetik ostegunera, 18:00etatik 21:00etara izango dira. Langabetuen ikastaroek, orokorrean, arratsaldeko ordutegia izango dute 14:30etatik 21:00etara.

Plaza mugatuak dira, beraz, gorde zure lekua lehenbailehen!

Informazio gehigarria webgunean bertan duzu,  Lanerako Prestakuntza estekan. Bertan ikastaroen datak, deskripzioa eta izena emateko jarraibideak aurkituko dituzu. Katalogoa PDF formatuan deskargatzeko klikatu hemen.

Informazio gehiago jasotzeko:

• ikastaroak@armeriaeskola.eus
• tel: 943 20 32 44 // 615 77 55 56

Enpresen beharretara egokitutako ikastaroak ere eskaintzen ditugu.