Ikasleen %50a kontratatzeko konpromisoa duen soldadura ikastarorako izen ematea martxan.
Irailaren 28an hasi eta abenduaren 21ean amaituko den TIG soldadura ikastaroak, ikasleen %50a kontratatzeko konpromisoa du. Ikastaroa LANBIDEn katalogatua dago, MF0100_2 ARKU-SOLDADURAK GAS BABESLEA ETA ELEKTRODO EZ-KONTSUMIGARRIAK (TIG) izenarekin eta langabetuentuek lehentasuna izango duten arren langileek ere parte har dezakete.
Izen-ematea irailaren 18a baino lehen egin behar da bide hauetako baten bidez:
- formularioa betez,
- ikastaroak@armeriaeskola.eus helbidera idatziz
- 943 20 32 44 telefonora deituz
Bestalde, iraila eta abendua bitartean Armeria Eskolan emango diren ikastaro guztien zerrenda gure webgunean duzu, Lanerako Prestakuntza atalean. Izen-emate epea zabalik dago eta plazak mugatuak direnez, erreserbak lehenbailehen egitea gomendatzen dizugu.
