GLOBAL TRAINING bekak. Atzerrian esperientzia bat bizi nahi?

AFMk eta IKASLANek 75 nazioartekotze-beka eskaintzen dituzte tituludun euskal gazteentzat, atzerrian 6 eta 12 hilabete bitartean ordaindutako lan-esperientzia bat izan dezazuen.

EZAUGARRIAK:

• Nazioarteko praktikak.
• 75 beka.
• 6-12 hilabeteko iraupena.
• Aurreikusitako zuzkidura gordina: hilabetean 1.570 €.
• Zuzkidura horren bidez, bekadunak honako gastu hauek ordaindu beharko ditu: jomugako herrialdera iristeko bidaia, mantenua, ostatu hartzea.
• Bekadunak Erantzukizun Zibileko, Istripuetarako eta Bidaiako Laguntza Aseguru bat izango du atzerrian egingo duen egonaldi osoan. Horren kostua AFM-IKASLANek hartuko du bere gain, eta bekadunak ez du ezer ordaindu beharko.

BALDINTZAK

• 31 urte beteta ez izatea 2021eko urtarrilaren 1ean.
• Unibertsitate-lizentzia, Diplomatura, Gradua, Goi-mailako Lanbide Heziketa edo Goi-mailako Ikasketak.
• Euskadiko udalerri batean izatea administrazio-egoitza, eskabideak aurkezteko epea zabaldu aurretik gutxienez urtebetez eta inolako etenaldirik gabe, edo 5 urtez jarraian, aurreko 10 urteetan zehar.
• Atzerrian 6 hilabetetik gorako praktiketarako egonaldia egiteko beste bekaren bat jaso ez izana.
• Dirulaguntza edo laguntza publikoak jasotzeko aukera galarazten duen zigor administratiborik edo penalik ez izatea, edo laguntza horiek jasotzeko aukera kentzen duen legezko debekurik ez izatea.
• B1 ingeles-maila izatea, baldin eta Goi-mailako Lanbide Heziketa egin bada; eta B2 maila izatea, Unibertsitateko titulua izanez gero. Era berean, aintzat hartuko da herrialde hartzaileko hizkuntzaren ezagutza izatea. Hautaketa-prozesuan egiaztatu ahal izango da hizkuntza-maila; eta horretarako, hizkuntza-maila egiaztatzeko ziurtagiri eguneraturik ez duten hautagaiei ahozko eta idatzizko probak egingo zaizkie

Ez galdu aukera paregabe hau!
DEIALDIA ZABALIK DA EKAINAREN 14TIK UZTAILAREN 16RA
Eman izena webgune honetan: www.globaltraining.eus