Ezagutu Debabarrenako Lanbide Heziketa eskualdeko enpresetan lanean diharduten ikasle ohien eskutik
Debabarreneko Lanbide Heziketako ikastetxeek, Debegesarekin elkarlanean, eskualdeko lanbide heziketako eskaintza aurkeztu dugu formatu birtualean. Horretarako, lanbide heziketa ikasi duten eta egun Debabarreneko enpresetan lanean diharduten ikasle ohien testigantzak bideo laburretan grabatu ditugu, ikasketa hauek zein lan mota egiteko aukera ematen duten erakusteko.
Eskualdeko Lanbide Heziketako zortzi ikastetxeok 37 heziketa ziklo ezberdin ikasteko aukera zabala eskaintzen dugu, oinarrizko, erdi mailako eta goi mailako heziketa zikloetan, eta horietatik 8 Armeria Eskolan egin daitezke, erdi mailako diren Mekanizazioa eta Instalazio Elektrikoak eta Automatikoak zikloak eta goi mailakoak diren Mantentze-lan Elektronikoa, Automatizazioa eta Robotika Industriala, Telekomunikazioak eta Informatika Sistemak, Mekatronika Industriala, Produkzioaren Programazioa Fabrikazio Mekanikoan eta Fabrikazio Mekanikoko Diseinua zikloak. Garrantzi berezia eman nahi diogu eskualdean STEM bokazioak sustatzeari, eta bereziki neskak bokazio honetara erakartzeko beharrari, eskualdeko indarra industrian baitago eta langile teknikari koalifikatuak behar baititugu etorkizuna bermatzeko.
Atseginez gonbidatzen zaitugu sortu ditugun bideoak eta informazioa emateko materiala ikustera, eta baita gure instalazioak eta eskaintza ezagutzera.
