“Emozioen zaintza, ongizatearen giltza” Ongizate emozionalaren astea

Ongizate emozionalaren astea oso esperientzia aberasgarria eta inspiratzailea izan da. Bertan landu diren gai sakonek –besteak beste, adikzioak eta suizidioa– garrantzi handikoak dira gure gizartearentzat eta bereziki gure ikasleentzat. Aste honek aukera eman du gai horiei aurre egiteko errespetuzko ikuspegi osasungarri batetik, prebentzioa eta kontzientzia sustatuz.

Adikzioen eta suizidioaren inguruko hitzaldi, mahai-inguru eta tailerrek hausnarketarako espazio seguru bat eskaini dute, non parte-hartzaileek euren esperientziak partekatu eta informazio baliagarria jasotzeko aukera izan duten. Gainera, osasun mentalarekin zerikusia duten gaixotasunak pairatu dituzten pertsonen testigantzak entzuteko aukera izan dute eta honek inpaktu oso positiboa du gazteengan.

Ekintza hauek tabu diren gaiak normalizatzen lagundu dute, estigma murriztuz eta osasun mentalak duen garrantzia bistaratuz. Aste honen helburua, beraz, ikasleek ikasturtean zehar landu dituzten gaiak sakondu eta sentsibilizatzeaz gain, ongizate emozionalak duen eta bereziki osasun mentalak duen garrantziaz konturatzea eta bistaratzea izan da.

Orokorrean, astea oso arrakastatsua izan da, eta horrelako ekimenek jarraipena izatea beharrezkoa da, pertsona guztiek laguntza, ulermena eta baliabideak eskuragarri izan ditzaten, eta ongizate emozionala eguneroko bizitzan integratuz komunitate osasuntsuagoak eraikitzen jarraitzeko.

Hemen daukazue Ongizate emozionalaren astea laburbiltzen duen bideoa