Elektronika nahiz Metrologia arloko espezializazioetan izena emateko epea zabalik. Arlo horretako enpresa bat bazara eta teknikari espezialistak behar badituzu, jarri harremanetan gurekin

Armeria Eskolak, enpresa kolaboratzaileekin batera, Elektronika eta Metrologia arloetako espezializazioetan izena emateko epea zabaldu du. Sektoreko enpresa bazara eta teknikari espezialistak behar badituzu, jar zaitez gurekin harremanetan.

Ekipo Elektroniko Integratuen Garapena (Embedded) espezializazioaren kasuan, bigarren edizioa abian jartzeko lanean ari gara gure kolaboratzailea den ULMA EMBEDDED SOLUTIONS enpresarekin batera.

Bestalde, Kalitate-Kontrol Metrologikoa espezializazioaren kasuan, laugarren edizioa litzatekena jarri nahi dugu martxan. Bertan kolaboratzaile ditugu METROLOGIA SARIKI enpresa, HEGAN aeronautika klusterreko CTA enpresa eta automozio klusterreko AIC enpresa.

Bi espezialitateak Euskal Autonomia Erkidegoko Lanbide Heziketako ikastetxe guztietako ikasleei zuzenduta daude, eta, beraz, aukera asko daude zure enpresaren inguruko ikasle bat izateko.

Guzti honetaz informazio gehiago nahi izanez gero, jarri harremanetan gurekin: