Berrikuntza proiektuak

Industria 4.0k ekarri duen eraldaketa digitalarekin batera, mantentze alorrean ere Mantentze preskriptiboak eraldaketa disruptiboa dakar. Ikasleekin teknologi hauetan experimentatzeko aukera aprobetxatuz, eskolako CNC makina bat digitalizatuko dugu eta makinaren egoeraren berri izango dugu uneoro, Condition Monitoring eta Adimen Artifiziala erabiliz.

Alde batetik Fingerpint edo hatz-marka bidez makinaren osasun egoera zein den jakin ahal izango da eta bestetik, ekoizpeneko egoeran makinaren portaera aztertuz denbora errealeko analisiak egingo dira. Modu honetan sistemak eskeiniko digun datu analisiari esker matxurei aurre hartuko zaie, produkzio geldiketak saihestuz eta kosteak murriztuz.

Proiektu honetan landuko denarekin ikasleek mantentzearen digitalizazioan barneratuta IoLink Sentsore adimenduak, IoT sareak, Edge computing eta Cloud computing teknologietan trebatzeko aukera izango dute.

Errealitate Birtualak (RV) ingurune murgiltzaile eta interaktiboak sortzeko aukera ematen du, benetako esperientziak simulatzeko, eginez ikasteko metodologiaren aplikazioa erraztuz, eskuratutako ikaskuntzak ulertzeko eta denboran atxikitzeko gaitasuna biderkatuz. Horrez gain ikasleak lehen pertsonan bizi dituen esperientzien bidez ezagutza transmititzea ahalbidetzen du, bertan oroitzapen ahaztezinak sortuz.

Guzti horregaitik, proiektu honek Hasierako Prestakuntzarako eta Enplegurako Prestakuntzarako ikasketa eredu diziplinartekoa, belaunaldi artekoa, solidarioa, murgiltzailea eta interaktiboa ezarri nahi du. RVren eskutik, murgiltze-inguruneak sortuko dira, PRL bezalako zeharkako konpetentziak eta konpetentzia teknikoak lantzeko. Gainera, RV teknologia zentro gerontologikoetara eta bigarren hezkuntzako eskoletara eramango da, eta teknologia hori ustiatzen duten enpresa berrien bideragarritasuna aztertuko da.

Bin Picking esaten zaio edukiontzi batean ausaz pilatutako piezak hautatzeko eta ateratzeko aukera ematen duen sistema bati. Horretarako, ikusmen-sistema bat erabiltzen da piezak antzemateko eta aurkitzeko, eta sistema robotiko bat erauzteko eta, ondoren, birkokatzeko. Forjaketa, xaflen konformazioa, torloju-prentsak eta eskuzko prozesuak bezalako lanetan, edukiontzi edo otzara batean ezarritako ordenarik gabe dauden piezak manipulatu beharra sortzen da.

Proiektua Bin Picking sistema baten diseinatzean, konfiguratzean, abian jartzean eta dokumentazioa eta jarduera didaktikoak sortzean datza. Sistema hori beso robotiko batez eta 3D ikusmen-sistema batez osatuta egongo da, Staübli robot bat erabiliz. Proiektuan parte hartzen duten LHko zentroetako tailerretan dauden sistema automatizatuei aplikatuko zaie sistema, teknologia hori eta bere ezagutza guztia etorkizuneko teknikari profesionalengana hurbiltzeko.

AMR (autonomous mobile robot) autonomoki ibilbideak egiten dituen robot bat da, industrian produktuak lantegiko gune ezberdinetara mugitzeko erabiltzen da nagusiki, intralogistikan. Merkatuan AMR ugari egon arren, robotika mugikorrean parte hartzen duten gailu eta kontzeptu desberdinak uztartzea eta automatizazio prozesu baten AMR edo AGV-a integratzeko helburuarekin, Siemens-ek SIMOVE teknologia eta ekipamentua dauka eskuragarri automatizazioko integratzaileentzako.

Robot mugikor autonomo malgu bat aztertu, muntatu, inplementatu eta martxan jarri nahi da proiektu honetan, industrian punta-puntako teknologiak konbinatu ahal izateko, hala nola adimen artifiziala komunikazio industrialak, robot mugikor autonomo batean lehendik dauden teknologiekin. Proiektuaren helburua da garatutako guztia zeharkakoa izatea parte hartzen duten ikastetxeetan dauden lanbide-arloekiko eta heziketa-zikloekiko, hala nola Mekatronika, Automatizazio eta Robotika Industriala, Elkarlaneko Robotikako Espezializazioa, Mantentze Elektronikoa edo Telekomunikazio- eta Informatika-Sistemak.

Ministerioak finantzatutako lankidetza-proiektu honek Luis Vives (Madril), Armeria Eskola eta Tolosaldea LHII (Gipuzkoa) Lanbide Heziketako ikastetxeak eta SMC industria-enpresa elkartzen ditu, Learning-factory ikaskuntza-sistema ezartzeko helburuarekin. Programa berritzaile honek teknologia industrialetako ikasleak 4.0 Industriaren eta automatizazioaren aurrerapenetara hurbiltzea du helburu.

Proiektuak M & I-400 sistema didaktikoaren 13 estazioen funtzionamendua eta hauek kudeatzeko erabiltzen den MES (Manufacturing Execution System) aztertzen ditu. Gainera, eskolek M & I-401 estazioa jasoko dugu, haren egitura, plano elektrikoak eta PLC, zein HMI programazioak ulertzeko. Estazio honek teknologia aurreratuak erabiltzen ditu, hala nola IOLink komunikazio-protokoloa, sentsore adimendunak eta RFID idazketa/irakurketa sistemak.

Proiektu honek Lanbide Heziketako irakaskuntza modernizatzeko eta gazteak 4.0 Industriaren erronketarako prestatzeko aukera paregabea eskaintzen du.

AR (Augmented reality) edo Errealitate Areagotua mundu fisikoan ikusten ditugun elementuen gainean soinean daramatzagun betaurreko batzuen bitartez elementu digitalak gainjartzea eta ikustea ahalbidetzen duen teknologia bat da. Ikusi bideoa

Ingurune industrialetan, segurtasunagatik, nahitaezkoa da langileak ingurunea ikustea, eta, beraz, langileari informazioa helarazteko edota prozesuak egiaztatzeko errealitate areagotua aukera ona da.

Errealitate areagotuaren teknologiaz lagunduta CNC makinen mantenu lanak egiten saiatuko gara proiektu honetan:

– Zeregin errepikakorrentzako urratsez urratseko gidak sortuko ditugu, prozesua balioztatuz teknologiaren bidez.

– Zeregin puntualetarako bideo asistentzia erabiliko da Lan hau Microsoften produktuak erabiliz egitea planteatzen da, hala nola Hololens 2, Dynamic 365 Guides eta Remote Assist.

Nodo honen helburua LHko ikastetxeak fabrikazio aurreratuaren esparruko azken joeretan parte hartzera bultzatzea da, ezagutzak euskal enpresa-sarearen egungo eta etorkizuneko beharretara egokitzeko. Horretarako, nodo honek LHko ikastetxeei ezagutarazten zaien lehentasun-mapa bat sortzeko behar den zaintza teknologikoa egiten du. Azterlan hori da proiektu posibleak identifikatzeko eta proiektu berriak abian jartzea sustatzeko oinarria. Proiektu posibleez gain, nodo horiek ikastetxeen arteko sinergiak eta lankidetzak sor daitezkeen espazioak dira.

Fabrikazio aurreratuko nodoa Euskadiko LHko Berrikuntzako Euskal Sistemaren barruan abian dagoen sare-nodoetako bat da. Sare-nodo horien bidez berrikuntza-estrategia aztertu eta LHko ikastetxeen sarera zabaltzen da. Horrela, Euskadiko Lanbide Heziketa Euskadiko Espezializazio Adimenduneko RIS3 estrategiaren eremu estrategikoekin lerrokatzen da.

Nodo honen helburua LHko ikastetxeak fabrika digital eta konektatuaren esparruko azken joeretan parte hartzera bultzatzea da, ezagutzak euskal enpresa-sarearen egungo eta etorkizuneko beharretara egokitzeko. Horretarako, nodo honek LHko ikastetxeei ezagutarazten zaien lehentasun-mapa bat sortzeko behar den zaintza teknologikoa egiten du. Azterlan hori da proiektu posibleak identifikatzeko eta proiektu berriak abian jartzea sustatzeko oinarria. Proiektu posibleez gain, nodo horiek ikastetxeen arteko sinergiak eta lankidetzak sor daitezkeen espazioak dira.

Fabrika digital eta konektatuaren nodoa Euskadiko LHko Berrikuntzaren Euskal Sistemaren barruan abian dagoen sare-nodoetako bat da. Sare-nodo horien bidez berrikuntza-estrategia aztertu eta LHko ikastetxeen sarera zabaltzen da. Horrela, Euskadiko Lanbide Heziketa Euskadiko Espezializazio Adimenduneko RIS3 estrategiaren eremu estrategikoekin lerrokatzen da.

Proposatutako proiektuaren ardatza fabrika bateko kalitate prozesua Adimen Artifiziala (AA) eta Computer Vision erabiliz automatizatzea da, zehazki fabrikazio elektronikoko PCBen (Printed Circuit Board) kalitate kontrola automatizatzea. Sistema modularra garatuko dugu, hardware eta software libreak baliatuta, Open Source filosofia bultzatuz, horrela kalitate kontrola beharrezkoa den beste edozein industrietara (elikadura, kimika, mekanizazioa, ehungintza…) moldatu ahal izango da. Proiektuan PCB fabrikazio lerro bateko PCB bakoitzean dauden elementu elektroniko ezberdinak identifikatuko dira eta beraien kokapena eta itxura egokiak diren analizatuko da Adimen Artifiziala erabiliz.

PCB-ak kalitate kontrola pasa duen edo ez adieraziko duen interfaze bat garatuko da. Akatsik balego, non dauden adieraziko dira eta horrela kalitate analisia egin ahal izango da: akatsak non kontzentratzen diren, zein maiztasunekin, zein portzentaiatan…

EIBAR Learning Factory proiektuaren zutabe nagusietako bat fabrikazio-inguruneetan IT/OT integrazioa eta datu-fluxu adimentsuak modu sistematikoan ezartzea da. Proiektu honen bidez ikastetxean Learning factory bat ezarriko da, bi gunerekin, fabrikazio aurreratuko gunea eta muntatze automatizatu eta adimentsu baterako gunea. Industria 5.0 ikuspegiko teknologia aurreratuak integratuz eta erronketan oinarritutako ikaskuntza (ETHAZI) eredua pauso bat urrutirago eraman eta ziklo artean aplikatuz.

Armeria Eskolak industria-eskaintza sendoa du, eta UNI Eibar-Ermua Lanbide Heziketako ikastetxeak, berriz, zerbitzuen sektorean garatu du. Bi ikastetxeen arteko osagarritasuna funtsezkoa da Eibarko hezkuntza eskaintza integrala garatzeko, eta horregatik, Eibar Learning Factory proiektua da lankidetza horren ardatz egoki eta estrategikoa.

Proiektu honek hortz-protesien diseinu eta fabrikazioan gertatzen ari den eraldaketa digitala aztertzen du, osasun- eta industria-sektoreak uztartuz eta diziplina anitzeko lankidetza sustatuz. Aho barruko eskanerren erabilera, 3D inprimaketa eta 5 ardatzeko mekanizazioak pazienteari erosotasuna, doitasun handiagoa eta epeak laburtzea ahalbidetzen dute, aldi berean material berrien erabilera bultzatuz eta kostuak murriztuz. Teknologia hauek kliniketan eta laborategietan gero eta gehiago aplikatzen ari dira, eta horrek lanbide-profil berrien beharra ekarri du.

EASO, Armeria eta Laudioalde ikastetxeek fase desberdinetan parte hartuko dute: eskaneatzea, neurketa, diseinua, fabrikazioa eta berifikazioa. Hortz klinikek eta Createch Medical enpresak babestutako proiektu honek Lanbide Heziketan profil berriak sortzea eta ikasleentzako prestakuntza eguneratua eskaintzea du helburu, sektore sanitario eta industrialen arteko sinergiak indartuz.

DistAMR proiektuak Lanbide Heziketako zentroetan dauden robot mugikor autonomoen (AMR) kudeaketa zentralizatua eta adimentsua ahalbidetuko duen sistema modular bat garatzea du helburu. Horretarako, teknologia irekiak eta estandar industrialak erabiliko dira, hala nola MQTT, Node-RED eta VDA5050, robot desberdinen arteko interoperabilitatea bermatzeko. Proiektua zentroetan gero eta gehiago dauden AMR roboten koordinazio beharrari erantzuteko sortu da, teknologia itxi eta ez-transferigarriak gaindituz. DistAMR sistemak robot bakoitzaren kontrol lokalizatua eta ikuspegi bateratua uztartzen ditu, eta esperientzia hori beste ikastetxeetara transferitzeko aukera eskaintzen du, baliabide irekiak eta dokumentazioaren bidez. Diseinu modularra eta software librean oinarritutako arkitekturak eskalagarritasuna eta egokitzapena bermatzen ditu.

Proiektu honen helburu nagusia baso-suteak goiz detektatzea da adimen artifiziala eta IoT teknologiak uztartuz, eta horrela klima-aldaketaren aurkako borrokan ekarpen eraginkorra egin. Proiektu honek ingurumenaren zaintza eta teknologia adimenduna uztartzen ditu, ekosistemak babestu eta CO₂ emisioak murrizteko.
Proiektuak baso eta mendi inguruak digitalizatu eta monitorizatzeko sistema bat garatzea proposatzen du. Garatuko den sistemak, ingurune naturaleko suteak goiz detektatzeko sistema adimenduna du oinarri, ingurumen-sentsoreak, ikusmen konputazionaleko kamerak eta Adimen Artifizialeko algoritmoak konbinatzen dituena. Bere helburua larrialdiei azkarrago erantzutea, ekosistema kalteberak babestea eta basoen eta inguru naturalaren kudeaketa jasangarria sustatzea da. Horrez gain, suteen hedapena aurreikusteko eta erantzun estrategiak planifikatzeko, sua simulatzeko programa bat erabiliko da.

ReMaKET proiektuaren helburua da Lanbide Heziketa teknikoan baliabide aurreratuetarako sarbidea erraztea, industria-maketen urruneko laborategi bat sortuz. Plataforma horri esker, ikasleek denbora errealean jardun dezakete PLC eta IP kameren bidez kontrolatutako maketa fisikoekin, automatizazio industrialeko ingurune errealak simulatuz. ReMaKETek irakaskuntza teknikoa modernizatzeko beharrari erantzuten dio, ekipamendu-mugak gaindituz eta edozein tokitatik benetako praktikak bultzatuz. Eraldaketa digitalarekin eta Industria 4.0ren estrategiekin lerrokatuta, proiektuak funtsezko gaitasunak eskuratzea bultzatzen du, hala nola urruneko kontrola, elkarlana eta sistema ziberfisikoen erabilera. Horrela, prestakuntza malgua, inklusiboa eta egungo lan-ingurunearen eskaeretara egokitua bermatzen da.