Armeria Eskola BIEMH azokan

Armeria Eskolako irakasleak eta lehen mailako ikasleak BIEMH – Makina Erremintaren Bienala bisitatzera joan gara. Bertan, industria sektoreko teknologia berritzaileak eta automatizazio soluzioak bertatik bertara ezagutzeko aukera izan dugu.

Azokan, benetako industria eta teknologiaren zuzeneko erakustaldia ikusi ahal izan dugu, makineria, robotika, osagaiak eta soluzio digitalak ardatz hartuta.

Esperientzia oso interesgarria izan da ikasleentzat, sektoreko azken joerak ezagutzeko eta etorkizuneko erronka teknologikoetara hurbiltzeko.