DistAMR Martxan: Robot Autonomoen arteko mugak gainditzen

Armeria Eskolan, Barakaldo LH eta Laudioalde Lanbide Eskolarekin elkarlanean, Robotika kolaboratiboaren etorkizuna eraikitzen hasi gara! TKNIKAtik etorritako DistAMR proiektua abiatu dugu, marka desberdinetako robot autonomoak (AMR) sistema bakar baten bidez koordinatzeko helburuarekin. Jada eman dugu lehen urrats handia: OMRON robot bat Node-RED bidez kontrolatzea lortu dugu MQTT protokolo bidez! Teknologia irekiak eta estandar industrialak oinarri hartuta, gure ikastetxeetako robotak elkarrekin hizketan jartzea da hurrengo erronka. Proiektu hasiberri honek ateak irekiko dizkio LHko transferentzia teknologikoari eta elkarlanari. Jarraitu gertutik gure bilakaera!