Ikasleek atzerrian lan egiteko aukera izango dute IRASUEGUI BEKEI esker

IRASUEGUI internazionalizazio proiektua Armeria Eskolako Elkartean sortu da, bertako partaide diren enpresarien eskakizunei erantzuna emateko asmoz. Hasieratik, Eibarko Udala eta SD Eibar Fundazioa-ren kolaborazioa izan du, enpresei prozesu honetan lagunduko dien tresna izateko.

Beka hauek enpresei zuzenduriko diru laguntzak dira, bere langileen nazioarteko profila indartzeko, hauen garapen profesionalean laguntzeko eta  enpresa lehiakorragoa izateko.

Merkatuan badaude beste beka batzuk baina IRASUEGUI bekak ezberdinak dira. Armeria Eskolako Elkartetik prozesu osoan zehar proiektuaren jarraipena egingo da, behar den guztian laguntza eta kudeaketa lanak eginez; Diru laguntza kantitatea helmugako herrialdera egokituko da, Europa barruko edo kanpoko herrialdea aukeratu ahal izango delarik; enpresei maila akademiko ezberdina duten profilak eskaintzen zaizkio (erdi maila, goi maila edo unibertsitarioa); ez dago adin mugarik; lan kontratu bati lotuta dago; eta atzerrian lanean dagoen epe hori egokia bada, lanean jarraitzeko konpromisoa egongo da; beka hauen deialdia enpresen beharretara egokituko da eta azkenik, LH-ko profileentzako aukera gehiago eskaintzen ditu.

Proiektu honen helburuak hauek dira: atzerrian egonaldi bat eginez ikasle/langilearen jarrera eta hizkuntza konpetentziak bultzatu; autonomia eta lidergo handiagoaz hornitu; ikaslearen garapen profesionala lerrokatu edota enpresetan bisio internazionala duten lanpostuak betetzen lagundu.

Martxan egon diren aurreko edizioetan, bai enpresek eta bai ikasle/langileek esperientzia oso positiboa izan dela jakinarazi dute eta hori dela eta, IRASUEGUI beken 4. edizioa martxan jarri dugu, proiektuak jarraitzeko bokazioa duelako. Proiektu hau alde batetik, tituludun berri diren ikasleei eta euren formakuntza osatu nahi dutenei zuzendua dago, atzerrian esperientzia internazionala bizitzen duten aldi berean. Eta bestetik, gaitasun hauek dituzten ikasleak lortu nahi dituzten enpresei ere zuzenduta daude, euren erronka globaletan laguntza emango dien talentua lortuz.

Internazionalizazioarekin lotutako proiekturen bat baduzu, gurekin harremanetan jartzera animatzen zaitugu, aztertu ahal izan dezagun eta kokapena bila diezaiogun!

843 990 530/943 20 32 44
Ez galdu aukera hau!